Plantun de Prouvènço

Pèr coumpara dos planto d'encò nostre

Prunus brigantina & Coronilla minima subsp. minima

Afatoulié

Prunus brigantina

Rosaceae

Àutri noum : Afatounié, Afatourié, Afàtou.

Nom en français : Prunier de Briançon.

Descripcioun :
L'afatoulié se recounèis l'estiéu à si afàtous (abrignoun, afatoun) verd pièi jaune. Flouris au printèms emé de pichòti flour blanco d'ounte sorton de lònguis estamino. Li fueio, que sèmblon à li de l'ambricoutié vènon bèn à l'après.

Usanço :
Se fai de counfituro emé lis afàtous (emé proun de sucre !), e d'òli de marmoto emé lis amandoun (meseioun). Fau aperaqui 10 000 amandoun pèr n'en faire un litre. J.-R. Fortoul, op.cit., ramento que lis afàtous èron descalagna dóu tèms di lòngui vihado. L'òli èi bon pèr la cousino e pèr sougna li macaduro e lou mau d'os. Se metié un tros de pan dins la sartan pèr leva la forto óudour de l'òli : "Lou pan surbiò lou gros dal fouort de l'óli, l'amarun". Lou darrié moulin s'arestè de vira en 1923 à Suzo (CN).

Port : Aubre
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Prunus
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Sebisso - Prado
Estànci : Subremediterran à Mountagnard
Couroulougi : Pancaro entresigna
Ref. sc. : Prunus brigantina Vill., 1786

Fauciho(-menudo)

Coronilla minima subsp. minima

Fabaceae Leguminosae

Noms en français : Coronille naine, Petite Coronille.

Descripcioun :
Aquesto fauciho, proun coumuno, trachis dins li tepiero seco e roucaio. Se recounèis à si fueio verdalo coupausado de 3,5,7 à 9 fueioun bourda d'uno marjo pu claro e acabado pèr uno pichoto pouncho. Fai de courouno de 5 à 10 flour caduno de 5 à 8 mm. se destrìo de la subsp. lotoides que sarié à 6 x, qu'èi bèn mai pichoto e fai pas coume d'aubret e que si flour, e si fueioun, fan mens de 8 mm. Coumpara emé la subsp. lotoides.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 5 à 50 cm
Fueio : coumpausado
Tipe bioulougico : Camefite
Cicle bioulougico : Planto renadivo

Gènre : Coronilla
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 5 à 8 mm
Flourido : Printèms

Sòu : Ca
Autour basso e auto : 0 à 2200 m
Aparado : Noun
Remarco : Meno à 4 x
Abriéu à jun

Liò : Tepiero seco - Garrigo - Roucaio
Estànci : Mesoumediterran à Mountagnard
Couroulougi : Eurimediterrano-Ouèst
Ref. sc. : Coronilla minima subsp. minima L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Prunus brigantina & Coronilla minima subsp. minima

ges

Coumpara Afatoulié emé uno autro planto

Coumpara Fauciho(-menudo) emé uno autro planto